箍牙究竟係咩feel？

4月1日我失業！(還希望老闆是跟我開玩笑)

呢日亦係我正式箍牙喇！！

A new journey begins😬

上文「箍牙都可以露齒笑」分享過我點解想箍牙，而最後揀咗Zenyum隱形牙套，只需港幣13,800及一次性牙醫諮詢費港幣1,500，最快3至9個月就完成療程。

之前經過免費評估、上診所見牙醫做3D掃描及X光檢查、預覽3D矯齒模擬圖像、付費後隱形牙套將投入生產。等咗約三至四星期，當牙套完成生產運抵香港，Zenyum團隊就約我上診所拎牙套再教我戴牙套。

到診所之後，牙醫會視乎情況需要去幫用家磨牙，作用係喺牙縫間製造空間令牙套緊貼牙齒，俾牙齒空間移動及作出矯正，成個過程大約5至10分鐘，唔需要麻醉亦唔會痺痛。

磨牙後姑娘教我點樣戴牙套同埋使用牙膠嘅方法，當我自己都試除試戴好牙套後，就正式開始戴我第一個牙套，同時將成個療程嘅牙套一次過帶返屋企。

牙套盒開箱：

1 x 牙套及說明書

1 x 牙套專用盒子

1 x 牙膏牙刷套裝贈品

紙盒內左上角係牙套配戴及清潔說明書，右下角卡紙顯示療程長度，我需要箍6.5個月。

另外有張Smile Summary顯示箍牙前後對比圖，亦即係之前做3D掃描得出嚟嘅矯齒模擬圖像。

箍6.5個月共需要13個牙箍，牙套分兩排，由左至右排列，牙套係獨立包裝，包裝上都列明牙套號碼，分軟膠及硬膠。即使用家唔用原裝紙盒保存牙套，每次換新牙套前只要睇清楚包裝上嘅號碼就唔怕亂。

每個牙套上都印有用家名字、第幾個牙套以及牙套嘅軟硬程度。

紙盒內有個備用咬膠。

隨盒附送嘅牙套專用盒子底部有透氣孔，可妥善存放牙套同咬膠。

用家箍後感：

對一個無箍過牙，第一次戴牙套嘅人嚟講，感覺好得意。戴咗牙套幾日，個口突然多咗啲嘢，不時「口痕」，不過一兩日後就適應，戴住瞓覺無唔舒服，除戴亦愈嚟愈熟手。

揀隱形牙套嘅用家都係想箍牙箍得靚，呢個隱形牙套戴咗同無戴近乎無分別，唔仔細睇幾乎唔知戴緊牙套。

無戴牙套

有戴牙套

我覺得箍牙後最大影響係改善到飲食習慣。除咗清水，戴牙套唔可以飲熱飲、甜或有色飲料，好似茶、咖啡同紅酒等，每次食嘢飲嘢前都要除牙套，食完嘢最好先用牙線清潔牙縫，再用清水漱口先戴返牙套。

步驟有啲煩，尤其出街食飯盡可能唔想喺人面前除戴牙套咁醜怪。箍牙後飲食都變得清淡，少食零食亦少飲有色飲料，寧願飲多幾杯水，減少牙齒色素，同時唔使成日又除又戴。如果箍牙可以改善飲食習慣，應該係個好開始。

有時除牙套有啲位特別緊，有種錯覺隻牙幾乎剝埋出嚟，姑娘話咁係代表牙齒開始移動，口腔適應緊牙套嘅存在。換新牙套可能有唔舒服嘅現象，大概一兩日就會慣。

目前我幾滿意箍牙嘅過程，雖然多咗啲習慣要注意，不過為咗6個半月後笑容再靚啲，做多少少都值得。當慣咗日常除戴同清潔就輕鬆得多，每7日換個新牙套，亦唔擔心太污糟。

配戴牙套方法：

1. 將隱形牙套逐一放入，先配戴上排牙套，再到下排。用手指輕輕推入牙套，對準牙齒將其卡到合適位置。
2. 使用附送的咬膠 (Chewies) 將牙套固定，不要直接咬緊牙齒去固定牙套。在牙套對準牙齒後，再慢慢咬住咬膠，這樣有助牙套緊貼牙齒，令牙齒可按計劃移動。每天最少花5分鐘使用咬膠，每次用完咬膠都需以冷水清洗抹乾，放回專用盒子內。
3. 摘除牙套時，從後方近大牙慢慢地將它們向前推出。左右交替，直至牙套完全脫離牙齒。然後將牙套存放在專用盒子內。
4. 根據療程來配戴相應階段及顏色的牙套，每7天換一個新牙套，一星期戴軟膠牙套，接著一星期戴硬膠牙套，如此類推。最後兩個階段為「Zen Stage 」，透過進一步矯正牙齒位置，達致最佳效果。相關資訊已列明在相應牙套包裝上，或向牙醫查詢。

如何清潔牙套？

基本上只有飲食時及早晚刷牙會摘下牙套，其他時間都必須戴著牙套，每天戴約20至22小時。早晚刷牙時，亦需同時清潔牙套。

• 以冷水沖洗牙套，用牙刷輕輕洗刷牙套內外面，力度不應太大，亦不可使用硬毛牙刷、牙膏、肥皂或其他清潔劑，這可能會損壞牙套。
• 在飲食或刷牙前需摘下牙套。吸煙時亦不可戴著牙套。
• 牙套只能存放在專用盒子內，避免丟失或損壞。

Zenyum App

Zenyum針對微矯齒嘅用家，因此個案都唔太複雜，用家唔需要成日上診所檢查。基本上係第一次上診所做掃描、第二次拎牙套試戴及第三次完成療程前一個月返診所覆診外，其他時間用app由Zenyum團隊同牙醫去跟進箍牙進度。

Zenyum app可以喺Apple Store同Google Play Store下載，有中英文界面。登入後會顯示個人帳戶，由戴牙套第一日開始紀錄進度，亦可以睇返成個療程嘅3D矯齒模擬圖像。呢個app每7日有提示通知換牙套，例如我4月1日確認開始療程，系統將顯示第一個牙套嘅使用期為4月1日至4月8日，因此下次換牙套就係8號喇，而每次換新牙套都需要影一張戴住牙套嘅露齒相上載到app。用家亦可以透過app嘅即時對話功能同Zenyum團隊同牙醫溝通。

4…5…6…7…8…9月中，預計6個半月我就完成療程，好期待睇到牙齒嘅變化，之後再影相俾大家睇啦～

如果您都打算用隱形牙套可以先登記做免費評估～

經以下連結及使用優惠碼「TRAVELQUEEN500」慳HKD500：

http://bit.ly/iamtravelqueen_zenyum

延伸閱讀：
箍牙都可以露齒笑
箍牙後記

-----------------------------------------------------------------------------------------------------------------

遊記｜照片｜影片

Facebook – www.facebook.com/iamtravelqueen

Instagram – www.instagram.com/iamwaitingxx

Video – www.youtube.com/iamtravelqueen

旅遊諮詢｜心得交流｜合作機會

Email – iamtravelqueen@hotmail.com